რიკოთის მონაკვეთის დასრულების შემდეგ, სომხეთისა და აზერბაიჯანის მიმართულებით საგზაო ინფრასტრუქტურის მოწყობაზე მუშაობა დაიწყება - ამის შესახებ რეგიონული განვითარებისა და ინფრასტრუქტურის მინისტრის მოადგილე მზია გიორგობიანი აცხადებს.„ბიზნესპარტნიორის“ კითხვაზე, თუ რა ინფრასტრუქტურული პროექტები ხორციელდება ინფრასტრუქტურის სამინისტროს მხრიდან ე.წ. შუა დერეფნის გამტარუნარიანობის გასაუმჯობესებლად, მინისტრის მოადგილე განმარტავს:„რიკოთის ყველაზე რთულ მონაკვეთთან დაკავშირებით, შეიძლება ითქვას, რომ დასასრულისკენ ვართ მისული და მალე, შესაძლებლობა იქნება ამ მონაკვეთის ძალიან მოკლე პერიოდში გავლა. ჩვენ განვაგრძობთ საგზაო ინფრასტრუქტურის სამუშაოებს და შესაძლებლობა გვექნება, რომ დავიწყოთ მუშაობა სომხეთისა და აზერბაიჯანის მიმართულებით ახალ გზებზე. ასევე, ბათუმი-სარფთან მიმართებით, რომელიც ასევე, შუა დერეფნის ნაწილია.ასევე, აქტიურად მიმდინარეობს კახეთის მიმართულებით საგზაო ინფრასტრუქტურის მოწყობა, თუმცა, ჩვენთვის ასევე მნიშვნელოვანია, გარდა ცენტრალური მაგისტრალებისა, მუნიციპალური ცენტრებიდან დამაკავშირებელი გზების მოწყობა, რასაც უშუალოდ, მუნიციპალიტეტები, მათ შორის ჩვენი მხარდაჭერითაც ახორციელებენ“ - ამბობს მზია გიორგობიანი.
